𝗧𝗛𝗘 𝗨𝗡𝗠𝗔𝗥𝗥𝗜𝗘𝗗 𝗠𝗢𝗧𝗛𝗘𝗥

 

Maayong buntag diay sa tanan. Hilig jud ko magsubaybay sa mga confessions ani nga page mao today, naka decide ko nga e.share pud akong kaagi sa life. Hopefully ma post ni.

Hi admin and hello everyone, itago nalang ko ninyo sa alyas nga ‘’Waning’’ 23 years old. Hahahaha ngilngig kaayo nga nickname sa? So mao ni akong story, year 2011, mga around August, naila nako ni siya nga guy through some acquaintances. Actually barkada ni siya sa uyab sa akong amega. Kani laging mag meetup2 ug date2 dayon mag kuyog baboy pud mi sa akong isa ka amega kay talawan kaayo among ka friendship. So mao na ilhan nako ni siya nga guy na itago nalang pud sa alyas nga “ Karding’’ and he came from a wealthy political family sa Lanao. Nagsuod ug nag ila jud me ug ayo nya tungod sa acquaintances, laag2, and yes sabay2 pud ug tagay. Kana laging makiuso ta sa living young , wild and free!!! HAHAHAHAHA Nag sugod gyud ni tanan sa regards2 hantod nagpa bet dayon hantod nagkatextsanay, nanguyab at lastly nag-uyab ragyud. Nag uyab me September 18, 2011. Di gyud ko kalimot ana nga date kay aside sa favorite nako siya nga number, wala ko ga expect nga kani nga date ang pagsugod sa pag change sa dagan sa ligid sa akong kinabuhi.

Although naka uyab ko before 2011, lahi rajud ni mahigugma nga naigo jud sa pana ni kupido. Ambot lang oy, nadala tingali ko sa pa cute2 sa iyang mata. Happy and excited kaayo ko sa mga about na mahitabo sa among relasyon. Syempre bag-o pa baya , expected najud nga daghan ug thrills and surprises. 6 years diay me gauyab ni ex Karding. 1-2 years sa among pag uyab, diri siya sa Iligan gapuyo. Lahi me ug school kay MSU-IIT man ko gikan dayon ni transfer kog ST.PETERS COLLEGE. And siya kay sa ST.MICHAELS COLLEGE siya gaskwela. Although lahi me ug school but gina sundo ko niya usahay and gina pasakay ug sikad sa eskena pauli sa among balay. Sa akong lola pako gapuyo ato nga time kay duol ra sa akong school. Mura jud ug gibangkaw sa langit akong paminaw nga nag uyab me. Happy kaayo ko. He made me happy. Bag-o lang ga separate akong parents sa panahon nga naila nako si Karding, nag ipon ug lain bae akoang papa mao gapasalamat ko na naabot si Karding sa akong life, gina comfort ko niya and all. At that time how I wish jud nga di mapareha among relasyon sa akong mama ug papa nga napunta ra sa wala after how many years nga panag uban nila.

For the first 3 years sa among relasyon, full of thrills,surprises and adventures pa kaayo. Murag expect more to come and more years for us jud bitaw imo maingon. Naka ingon gud ko sa akong self ug HE IS THE ONE najud. Namalhin man sila ug puyo sa Cagayan pero bahalag LDR me kay taga adlaw jud me mag chat and tawag2. Init na gani kayo ang dalunggan sa sigeg tawag2 kay lage uso pa sauna ang Super25 sa Globe hahahaha. Pero naga uli siya every weekend dire sa Iligan or every time maka pabor siya. Happy kaayo ko everytime muuli siya ug Iligan , kana bitaw unta muhunong ang oras para taas2 pamo mag-uban. Grabe ko ka gugmaan niya sauna oy di mabang-bang. Muhilak gyud ko taga mubalik na siya ug Cdo.

Pero dili gyud diay tanan relasyon perpekto. And to cut it short, murag naabot nami sa stage sa among relasyon nga nagsugod na ang bakak, gahig ulo, laag na di magpahibalo, ug understanding sa usag usa. Laagan ko before me gaila pero na control gyud nako akong mga laag kay bawalan ko niya depende sa panahon. Sugot rapud ko oy syempre gugmaan gud kos tao. Hantod sa mag sige namig lalis, away, until sa mag sige namig bulag balik. Kapoy na biya pero sige laban lang japun, dawaton hantod sa makaya, sa larangan ng pagmamahal. Ginakanchawan na gani ko sa akong mga friends everytime bulagan ko ni Karding dayon magi nom mga sako mga barkada, dayon mahubog ko. Mag maoy dayon english2 tirada “You will surely cross the bridge when you get there’’ HAHAHAHAHAHA di gyud ko kalimot ana nga linya kay mao gyud nay tubag nako everytime pangutan’on ko ngano gugmaan ko niya and nagpaka tanga ko bisan sige nalang ko bulagan ug balikan.

Hantod sa naabot ang panahon nag nasumhan ko sige rakog bulagan ug balikan anytime. Naabot sa time nga nakatuon kog kabuang, every time bulagan ko niya. Oo masakitan ko pero mabaliwala na nako usahay kay malingaw na nako akong self, pero pag mahubog nagyud ug taman2, mugawas gyud ang pagka maoy hahahahaha. Ga sugod2 napud kog entertain ug lain laki every time bulagan ko niya kay lage move on2 daw kunuhay. Pero every time makigbalik siya, di man gyud nako mapugngan akong self nga musugot oy. Bisan pa ika pila nako ga promise na last bulag nato kay mag move on najud ko aaaah! Wa japun oy, and ending gikaon ra nako tanan storya nako. Balik ra japun me and again sa larangan ng pagmamahal. Mao nahimo nakog bakakon sakong mga friends taga muingon kog mag move on nako. Kataw-an rakos mga buang di na mutuo nako! Hahahaha

So magpadayon ta sa storya noh, pero e.short cut nalang nato kay murag taas taas nagyud ni. Pinaka worst namo nga break up was year 2015, pila ka months gyud me bulag ato. Nanguyab siya ug lain bae and nakauyab pud ko ug lain guy no later than October. Pero 1 month rami kapin kay pagkabalo ni Ex nga kabalo nako naa siyay lain babae, murag nataranta siya. Nakigbalik napud siya nako. Nasumhan na tingali siya sa iyang freedom mao nibalik napud. Kabalo ko muingon nasad mo nga tanga kaayo ko pero oo gidawat lang japun nako. Gugma japun oy bahala na lage hehehe pero ahak gabulag nasad me mga October or November tingali. Wala nasad siya gaparamdam. Wala lage me klaro. Gamay nga bikil, bulag dayon. Ambot di man unta me mga bataot pero sige ra namog awayan ang mga issue nga nahitabo na, mga past mistakes and etc. Mura bitaw ug ako nalang juy sad-an sa tanan dayon siya kunuhay ang pirmi biktima, paita. Mao ge try jud nako mag move on kutob sa makaya nako. Ge divert nako ako attention sa lain mga butang. Nag jogging2 ko, gym2 hantod na sexy2 rapud bya ako lawas hahahaha char! Pero mga around last week sa February ata to year 2016. Nagparamdam na tuara nasad. Naa nasad ta ani hahahaha pero nalipay sad bya ko kay gimingaw ko niya. I mean gimingaw ko sa dating kami. Ang sweetness namo sauna nga halos tag as kayg text, puro sweet tanan. So yes, nagkita kita nasad mig balik. Until nitawag siya one day na ubanon daw ko niya ug Marawi City, puyo daw me kadjot didto. Paspas kaayo ko naka impake ug mga sanina oy, sa way pag duha2 sutoy dayon kuyog nya. So nagpuyo mig marawi , like live in2 na for 1 month kay niuli nakog Iligan kay birthday sa akoang papa.

 

I thought ang pag puyo ang pagkuyog nako sa iyaha sa Marawi kay mao ang revival sa among relasyon pero diay, sugod napud ni sa pagsubok sakong kinabuhi. After nako niuli gikan Marawi, nagbulag nasad mi ni Ex, samot nagyud ko wa kasabot asa ko mulugar sa iyang kinabuhi. Mao ge divert napud nako akong attention sa lain mga butang, deretso dayon ko balik gym and work out kay lage, 1 month bya kos Marawi way exercise2, paminaw nako nanambok najud ko. There comes a time ga work out ko dre sa balay, gipangutana ko sakong mama nga ‘buros ka?’ Na shock jud ko nga murag gisapot kay kita na gani siya ga work out ko, mangutana pajud kung buros bako. Wala man pud koy na feel nga changes sa akong kalawasan. Anad naman gud pud ko na ma delayed akong regla kay layagunon man ko. Hantod sa murag ika daghan najud sigeg pangutana akong mama kung buros ba ko, na triggered najud ko. Mao to one morning nag decide ko magpauban sakong amega para mag PT. Di gyud ko malimot ato nga adlaw kay sa Jollibee nga CR gyud me ga pt ato. Niinit akong dalunggan , wa ko kabalo asa ko magsugod ug unsa akong buhaton, nitulo rajud ug kalit akong luha pagtan aw nako sa PT nga positive gyud bisag unsaon pag balik2 nakog take ug pt, positive gyud siya.

Bulag nami ni ex ayha nako na discover nga buros diay ko mag two weeks na. So the very first thing nga gibuhat nako, ge contact and gitawagan nako ang mama sakong ex kay walay cellphone si Ex ato nga time and naa pa japun sila ug Marawi at that time, wala koy lain matawagan. Pero sakit kaayo ang mga text sa iyang mama, nitatak gyud iyang mga storya sakong utok ug kasing2.
‘’Wala siya ditto wag mo siya hanapin sa akin!’’
‘’Wala akong pakialam kong buntis ka!’’
‘’Buhayin mo yan mag-isa’’

Pero thanks God napangitaan rajud nakog pamaagi na ma contact si ex, happy kaayo ko pero pagsulti nako sa iya nga buros ko, nisamot ang kasakit sakong dughan sa iyang gisulti. ‘’Ipalaglag mo yan, di ko yan paninindigan’’.

Nahugno gyud akong kalibutan ato nga time, murag lami na kaayo mag suicide, unsaon nalang nako pagsulti sa akong mama nga pa suko2 pa raba ko ato? Niuli kog balay nga wala ko kasabot sa akong gibati, nisulod ko diretso sa kwarto ug gahilaka. Nisunod akong mama sa akoa ug gipangutana ko nganong gahilaka ko. Wala ko nitubag ug nihilak nuon kog samot and I hugged her tight while saying ‘SORRY KAAYO SA TANAN2 MA, SORRY JUD KAAYO’. Nakasabot na dayon akong mama ug gigakos ko nya while saying,’BLESSING NA NGA BATA, UNSA MAY MAHITABO ,AYAW GYUD TAWON NA IPAKUHA DAI’.
At that time dako kaayo kog pasalamat sa akong mama kay nasabtan niya akong sitwasyon and besides , wala jud pud koy plano ipakuha ang baby kay konsensiya rapoy ako noh, problemado lang jud ko kung unsaon nako pagbuhi sa bata nga wala pako ka graduate. Kulang pakog 3 semesters and wa pajud koy trabaho.. Pero maygani ni contact akong Ex, nakigkita siya para daw magka storyahay mig tarong. Pag klita namo ge confirm niya kung buros bagyud ko, akong gipakita sa iyaha tanan pregnancy test results nga ge take nako. Mao to na okay nasad me. Ga plano2 nami na magpakasal me bag-o pa mudako akong tiyan. Bahalag way handa basta makasal me kay luoy pud ang bata ug isa pa dugay nagyud me ga plano nga magpakasal me pero di gyud madayon kay aside sa sige meg away bulag-balik, wala pud ko nagustohi sa iyang pamilya. Nag iapon me sa balay sakong mama kay di gyud pud ko mupuyo sa ilaha oy, di baya ko nila bet kay ipa buya lage nila si Ex, gusto iyang pamilya nga muslim girl sad iyahang ma minyoan. Sa panahon nga gaipon me ni Ex sa among balay, gubot gyud kaayo among pamuyo. Nagdako akong tiyan pero wala pami mga tigom. Murag wa bitaw siyay plano sa amoa sa bata. I understand nga na pressure siya ug ayo kay naipit siya sa sitwasyon. Pero di pud tingali makatarungan nga badlungon nako siya na muundang sa ug laag kay dako kaayo among problema. Hala sige! Di gyud papugong oy, laag gyud siya kung gusto nya. Sige kog encourage niya na asikasohon na nya ang mga angay asikasohon kung mo abroad man gani siya or mangita siya ug work for the meantime para naa mi tigom sa akong pagpanganak. Pero wa gyud oy mura gyud ug hangin akong mga storya. Pero gipasensiyahan lang japun nko siya kay di ko gusto madako among away kay lisod na mugawas akong anak ug way amahan. Pero 6 months akong tiyan gabulag nasad me, wa najud lami paminawon akong storya noh? Pero sige lang, magpadayon lang japun kog storya.

Shortcut nasad ta, so bulag me. Nanganak ko December 16, 2016. Wa jud tawon papa sa akong anak nagpakita. Akong mga igsuon nga laki ra tawon akong kauban sa hospital. Pero yes nalang, nawala ra akong kaguol pagkakita nako sakong first baby, ang anghel sa akong kinabuhi. Nakaingon ko na bahalag single mother ko, kayahon nako kay nay blessing ni akong anak sa akoa. After nako nigawas sa hospital, nag decide ko mag online shop. Wa jud ko pasagdahi sa Ginoo kay halinon pud bya akong online shop. Until nag 2 months kapin akong baby, ni visit rag kalit akong ex kuyog iyang pamilya dre samong balay. Kalma me nga nidawat ug nakig storya sa ilaha kay di sad me gusto ug scandal. Mao to ingon2 ug gasabot2 iyang pamilya nga sabutan daw among kasal ug binyag sa bat. Naa pay mama niya nga nag sorry2 sa akoa pero wa juy sinceridad, ma feel gyud na nimo kung ga plinastic ra ang tawo sa imoha. Pero hilom rako. Ge set aside nako akong own arrogance and ge prioritize nako among anak, iyang future. And maluoy sad ko mudako akong anak nga way amahan. Gusto ko happy family, ug makaya di ko gusto mapareha sakoa na broken family. Mao gidawat ug gipasaylo nako si Ex. Ga promise siya na mubawi siya sa tanan pagkukulang nya sa amoa. Niasa pud ko oy. Gidawat sad siyag balik sakong pamilya ang mag visit2 sad siya dre samong balay, usahay mag stay siya dre ug pila ka days or weeks and muuli rapud siya sa ilaha.

Until, somewhere around May. Naglaag meg cdo sakong ex kuyog among anak ato. Ni visit me sa iyang pamilya. Delayed nasad ko. Galain akong ginhawa ug wala jud ko nahimutang maong ga pregnancy test jud ko dretso. Gaguol nasad ko kay positive ang pt unya wala pa na settle among problema sa kasal kay daghan kaayog excuses iyang pamilya. Mao to ge convince gyud nako akong Ex nga murag wala poy pakialam na ignun na iyang pamilya na asikasuhon na among kasal bahalag simple sa tanang simple. Bahalag way handa basta makasal name. Ge contact nako iyang family, nag beg ko nga unta magka storyahanay among pamilya para ma settle ang dapat e’settle para sa amoa sakong anak. Ingon iya pamilya paghuman na daw sa kasal sa maghud ni ex, so naghulat ko. Paghuman sa kasal sa iyang manghud wala japun. Sige jud kog update nila kay gaguol lage ko mudako nasad akong tiyan unya walalang japun me nakasal. Ulaw na kaayo. Oo kabalo ko bugo kaayo ko, and I know uban readers makabasa ani moingon sila tanga ko and sala nako kay nagpaburos nasad ko. Pero YOU CAN NEVER CAN TELL jud mga miga ug migo kung kamo na ang naa sa sitwasyon. Mao to nanlarga man sila adtog Meca kay mag Hajj lage daw, ingon sila pag uli nalang nila sabutan ang kasal namo, gahulat nasad ko. Pag abot nila atik2 pag set ug petsa arun mag kita2 ang ending na postponed nasad kay busy daw kaayo sila. Hantod niingon nasad sila paghuman nalang jud daw sa Ramadhan , another botbot nasad pero ga pasensiya and gahulat japun ko. Pero wa japun oy.

 

Nagkadako akong tiyan sa pagburos nako sa second baby pero gyud tabang nahitabo. Wa jud silay pakialam bisag ikapila pako muhangyo. Kulang nalang tingali muluhod ko para paminawon and makig storya sila sa akong pamilya. Syempre ulaw pud kaayo sa akong part samot na sa akong papa kay nangimbitar napud siya sa among mga relatives nga ikasal ko.Pero wa jud, naabot sa time nga tawagan sila sakong mama ug papa kay formal makig storya, di sila mutubag. Pang chattan sa facebook dili mangreply, seenzoned ragyud tawon among nadawat. Naa poy ex nako wa juy pakialam, walay paninindigan. Sakit kaayo akong gibati ato nga mga time, pasayluon unta ko sa Ginoo okay naka huna2 ko na ipalaglag akong 2nd baby kay problematic na kaayo ko or mag suicide nalang ko para mahuman ang tanan. I felt so unloved and betrayed ato nga mga oras. Di lang akong pagkatao ilang gitumban, pero pati na akong pamilya. Naka minus sila namo kay Christian rami, pero kung sa ilaha pani muslim girls nahitabo, redo tingali dayon basta dili pakaslan. Pero ako ug akong pamilya, we forgave and had patiently waited for them pero mao rani among nadawat. Sa akong ex, murag gipasagdaan rajud me nya, iyang kaugalingon ra iyang ge huna2 , wa siya ga huna2 sa welfare ug sa future sa among mga anak. Puro siya laag, lalis ug away. Sige ramig kwenentahay sa mga sala ug mga butang nga nahitabo naman unta and na settle na namo pero ibalik balik lang japun . Sige ramig away sa mga butang nga walay mga pulos when in fact naa pa untay mas dako nga butang nga dapat atupagon and pagtuonan ug pansin which is among mga anak. Pero God will provide jud diay, salamat sa Ginoo nga ge enlighten nya akong kasing kasing ug pangutok sa kung unsay sakto nga buhaton.

Wala nako gipalaglag akong second baby, gipadayon nako akong pagburos. At the end of the day gipa realize sa akoa sa Ginoo nga dili akong 2nd na pinagbubuntis ang angay mawala sa akong kinabuhi para ma okay ang tanan, kundi akong Ex. Akong ex ang akong angay e.erase sa among life kung gusto ko muiswag akong kinabuhi. Mao tong last namo nga away sakong ex, nka decide ko puslan man wa siyay klaro ug wa siyay pakabana, iyang pamilya pud walay pakialam, so humanon nalang jud nato tanan. Putlon nato tanan2. I decided to cut all communications with them, ge block nako tanan kaila nako nga pamilya nya, ga change contact ko and all. Bahala na mudako akong mga anak nga way amahan kaysa makaila siyag pamilya nga mata pobre, way pakialam ug walay paninindigan. And besides, ge engage na si ex sa isa ka Muslim girl.

Naningkamot ko pangitag trabaho while ga buros ko sakong 2nd baby. Luckily, naka trabaho rajud tawon ko as an online English teacher and I am earning more than enough para maka provide sako mga anak. Yes, salamat sa Ginoo wala ko nya gipasagdaan. Naka move on nako the moment I decided na ipadayon akong pagburos bahalag walay amahan na nanindigan sa akong babies. When you bring a baby into this world, its not about yourself anymore, its about them. Oo masakitan ko everytime mag huna2 ko ngano nabuhat ni sakong ex sa akoa, ngano gibyaan ug gipasagdaan ko niya. Dili ko hostess , dili ko prostitute pero ngano ge ingani ko niya ug sa iyang pamilya? Oo I admit na daghan koy sala nabuhat sa akong past, pero God knows unsa nako pagpaningkamot na magbag-o to be a better person, for my babies. Pero nay mga tawo nga closeminded ug ang perme ra gina-kwenta kay ang imohang mga sala.

Gipadayon nako akong pagburos bahalag ako ra isa, gipanindigan nako akong pagka Single Mother. So just last year, December 10, 2017 I gave birth sa akong 2nd baby , bae japun. Yes two baby girls na. Happy kaayo ko the moment nigawas akong 2nd baby and started cuddling her. I know it was the start of a new beginning. Yes, I know daghan gyud koy maagian challenges and judgements sa mga tawo but I am proud of being a single mother. Grabe akong laag sauna, walwal dre, walwal ddito pero naundang ug nausab gyud ang tanan sukad naka anak ko. Di nako kaya e.repudiate akong obligasyon pagka inahan para lang magka freedom ko. I found myself in Motherhood, I learned a lot. I became stronger,wiser and proud. Most of all I became more responsible. Yes, lisod kaayo mahimong parent but its both PRESSURE and JOY and the same time. Rewarding kaayo sa feeling nga nakaya nako buhion akong anak nga wala ko gapangayo sakong pamilya, earning my own money and raising my own daughters. Mas nagka direction akong life sukad nagka anak ko, mas ni-solid akong mga pangandoy sa kinabuhi. I hope that God will continue guiding and enlightening me sa mga muabotay pa nga mga struggles and challenges sa akong life. . Sa tanan single mother’s diha! BE PROUD OF WHO YOU ARE AND WHAT YOU HAVE BECOME! AND SA MGA TAWO NGA KUSOG MANAWAY AND MAG JUDGE, PLEASE LANG PAGBAG’O NAMO! DI LALIM ANG KAAGI SA MGA SINGLE MOTHER, LAHI LAHI TA UG STORYA SA KINABUHI , UNTA MAG RESPITARAY LANG TA. Diri nalang ko kutob, God bless us all always, in all ways. (

PS: Kung muabot man ang panahon na mabasahan ni nimo ex or kung naa man gani naka familiar ani nga storya nga mutug-an sa imoha and realize everything, please ayaw nami samoka sa akong mga anak. I can forgive you but never nako malimtan tanan gibuhat nimo sa akoa gikan sa 1st baby nato. You were never a father to my daughters since day 1. Dawaton nalang gyud nato ang realidad nga ingani na ang set up, di nako gusto ug complications. Peaceful na among life and my babies are never kawawa bahalag gibyaan me nimo kay daghan mi gamahal sa ilaha. If you really wanna help, let us just live life separately. Diha ka , diri me. And congrats sa imong engagement. God bless you and your family.

 

Waning

F|24|Iligan

Sent via DSC Confession Link | 5/17/2018 12:59:07